倫敦day2♡
第二日八點就比啲room-mate嘈醒咗
大佬啊，我噚時點幾先瞓……
不過都因為咁，我食到hostel嘅免費早餐
其實早餐只不過係有粟米片、多士、奶
同埋其實幾surprise我，因為book嗰陣冇話包😂
咁一早醒咗又食咗嘢，就不如出去行下
本人真係好好彩，我stay喺london嗰幾日都係晴天
對於長期住喺london嘅人嚟講一定會明白我講咩( ﾟ∀ﾟ) ﾉ
-
呢張相就係我用相機影嘅第一張相
我book嘅呢間hostel喺london eye對面
female dorm都係百幾二百港紙
啲人成日話london物價高消費貴
咁我窮遊嘅第一日行程就緊係去啲免費嘅嘢啦
所以自己搭巴士去british museum啦
真係勁驚唔識落車，所以我全程都開住goggle map睇
落咗車之後行多五六分鐘就到啦
-
又再題外話一下
其實我第一感覺啦，歐洲都冇人哋口中咁恐怖
我基本上都係掛住部相機喺心口
然後咩都擺晒喺背囊，係到咗法國之後先開始用鎖頭鎖住背囊
不過我就會將錢擺喺腰包/攝落leggings入面
好多嘢喺人哋口中聽返嚟都同你自己親身去經歷嘅唔同
所以襯自己細個，仲有本錢可以癲嘅話，真係要試下
好老實講，2017到依家雖然淨係過咗三年
但我已經由一粒返學大薯變咗社會新薯
好彩份工好好，啊頭都會批我假去旅行and追星ヾ(●゜▽゜●)♡
哈哈，閒話到此，聽日再update british museum有咩睇
Search